Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

О явлении преподобнаго Ферапонта, како явися первие священноиноку старцу Пафнутию.



Времени же некоему мимошедшу, во едино от нощей по нощномъ правиле и по хождении на гробъ Пафнутий старецъ иде во отходную келию опочинути и возлеже на рогозиницы своей, и бысть в тонце сне, и видехъ некоего человека пришедша к нему, и рече ему: «Пошли подруга своего старца// Андреяна на взыскание места того, егоже ты видевъ на востоце зарю и церькви, и кресты, и явится на томъ месте человекъ святъ. И невдалече место то от сего растояниемъ поприщь пятьдесять». Пафнутий же вопроси его: «Кто еси ты, и како нарицается имя твое, и како знаеши место оно?» И отвеща ему человекъ той: «Не будет тебе в жительство место то, понеже не леть тебе будетъ. И рече ему Пафнутий: «Ты коего града еси?»// Онъже точию отвеща: «Сожитель есмь Василиевъ, иже есть на Москве». И не виде его старецъ ктому. Возбнувъ же Пафнутий и иде ко Андреяну и поведа ему человека того, егоже виде, и како повеле его послати на взыскание места и разстояние поведа. Андреянъ же слышавъ и радостенъ бывъ и разуме, яко не презре Богъ моления его. И приимъ благословение от старца Пафнутия и изыде из манастыря и иде в весь Галицкия обла//сти, иже нарицается Корежьская волость по реке, глаголемей Кореге, и прииде к некоей церкви тое же веси, иже нарицается вшушкодоме. Церковь же та во имя Пречистыя Богородицы Честнаго и Славнаго Ея Собора. И вопроси старецъ тое церкви священника имянемъ Еупла: «Где есть близъ места сего церковь пуста между реками?» Они же поведаша ему в нощную страну от сего места растояние имый десять поприщь. Место же// то пусто дебри имуще непроходны, точию единъ путь прилежащь от града, нарицаемаго Соли Галицькие, рекою Костромою струги ходять с солию и со инеми товары купецькими и вопроси старецъ: «Обретает ли ся человек, иже бы на месте том селитву имелъ?» Отвещаша ему: «Ни. Точию едино древодели, делающе насады великия, приходяще от града Костромы и от иныхъ весей, по времени же отходяще». Слыша//вже старецъ и радостенъ бысть и моли ихъ, дабы ему путь поведали. Они же проводиша его до места, нарицаемаго Устье. И прииде старецъ на место, идеже церковь стоитъ, и позна его, яко то есть место, егоже видевъ съ Пречистою Богородицею и его же издавна желаше видети. И вшедъ в церковь и обретъ образъ на месте стояще Пречистыя Богородицы Честнаго и Славнаго Ея Благовещения, иже той образъ и доныне обретается во обители// той. Храмъ же той Пречистыя Богородицы Честнаго Ея Благовещения вельми ветхъ, едва стояше. Обхожаше же старецъ место то и видехъ, яко красно место къ жительству и покойно къ службам манастырьским и леса ко строению церквамъ и келиямъ и къ хлебной пашне и къ поставлению деревень и на рекахъ къ строению мельнишному и къ рыбной ловле и всякими житейскими угодии место сияющи. // И паки отоиде старецъ во обитель Пресвятыя и Живоначалныя Троицы в Павловъ манастырь Обноръскаго Чюдотворца, идеже живяше первие, и прииде къ старцу Пафнутию, егоже выше именовахомъ, и поведая ему вся подробъну о взыскании места и како обрете место оно, и каково бе къ жительству и къ строению манастырьскому, и ко всякой селитве, и къ поставлению деревнямъ, и на рекахъ къ строению мелни//цы, и къ рыбнымъ ловлямъ. Слышавъ же Пафнутий о явлении того святаго места, якоже выше написахом, како имъ явися зарею и церквами, и кресты видеша, и како явися ему человекъ въ тоньце сне, и повеле послати старца Андреяна на взыскание места. И размышляше старецъ Пафнутий по вся дни, како бы ему видети ме//сто и жительство имети на томъ месте. Советовавъ же съ старцемъ Андреяномъ, многое время, како бы им тамо преселитися. В то же время прииде повеление от благочестиваго государя царя и великаго князя Иоанна Васильевича всея Русии в Павловъ манастырь ево Государева грамота, чтобы его, старца Пафнутиа, поставити на Москве. Старецъ же вельми печаловаше и тужаше о повелении царьском но не ве//сть, како бы сего минути. И призва старца Андреяна и глагола ему: «Брате, приими от мене милостыню довольну на создание манастырю и начни здати манастырь на онемъ месте, егоже обретохъ Божиимъ изолениемъ. Азъ же явлюся лицу цареву и возвращуся во обитель сию, но будеве во единомъ месте вкупе на томъ Богомъ показанномъ святомъ месте, ты же назидай его молися Пречистой Богородицы, не помя//нуже старецъ Пафнутий ктому явившагося ему преже и глагола ему: «Не лет ти жити на томъ месте будет». И вдаде старцу Андреяну милостыню доволну на создание манастыря. И отпусти его паки ити на то Богомъ показанное место. Старецъ же Андреянъ отойде на место, идеже бе первие бывъ. Игуменъ же тоя обители молиша старца Пафнутия, дабы повеление царево исполнити въскоре. И отпустиша его к Мо//скве съ великою честию. На Москве же понуди его государь въ Чюдове быти ахимаритомъ. Слышав же Андреянъ о старце Пафнутии, что изволениемъ царскимъ бысть в Чюдове ахимаритомъ и иде Андреянъ къ Москве благословения ради к архимариту Пафнутию. Архимаритъ же вопроси старца, како пребываетъ и како место назидается. Онъ же поведа ему святыхъ ради молитвъ// твоихъ вмале времени устроихъ две келии в покой братии. Архимаритъ же вопроси старца: «Кто есть братии, пребывающии с тобою?» И отвеща ему старецъ: «Имамъ три брата. Первыи Иевъ, вторыи Ефремъ, третий Кириллъ». Онъ же вдаде ему паки милостыню довольну вяще первыя, яже вдасть ему въ Павлове манастыре. И повелеша ему на месте томъ строити, якоже годе есть. // Старецъ же, приимъ благословение от архимарита Пафнутия, и отыде во свою ему пустыню, нося сокровище немало на создание манастырю. И живяше в пустыни той, прилагаше труды ко трудомъ, мотыками копаху землю по брегу Кострому реки и сеяху жита и питахуся от трудовъ своихъ, прихожаху же инии людие на место то и живяху со Андреяномъ и з братиею, помогаху имъ созидати ке//лии и о пашне печахуся. В некое же время приехавъ некто древоделъ хотяше делати насадъ на реке назывваемой Моньзе и видех на устье реки старцы жительство имеяху и ини люди с ними пребывающе и въ церкви пение безпрестани и труды ихъ видевъ и прииде в манастырь, вопроси старцовъ, како жительствуютъ и питаются и како вмале времени толико келий устроиша. Андреянъ же ему поведа все по ряду, ка//ко ему Богъ и Пречистая Мати Божия явиша о месте томъ. Слышав же человекъ той и вдаде ему милостыню довольну, приложи же вдати им две мъски в послужение манастырю и певше молебная пения и паки отиде и нача здати насадъ и въскоре совершиша его. Старецъ же Андреянъ видевъ, яко собираются братия к нему и инии людие многи и милостыни довольны подаваша ему, скорбяше же о месте вель//ми. Место то при двою рекахъ горы имея ниски к рекамъ и бываетъ потопление велие, покрывашеся место то водою, и открываше брегъ, пространство же места умаляшеся. Многажъды же советъ сотвориша зъ братиею и со инеми людьми, како имъ пребывати на месте томъ. И бе некий человекъ имянемъ Иоаннъ истарь знаяше место и первие сего живяше на месте съ строителемъ старцем Нифонтомъ. И сказаше// Андреяну и братие: «Азъ есмь живяше на месте семъ съ древнимъ строителемъ старцемъ Нифантомъ. Нифантъ же много желаше церковь и келии преносити на ино место от потопления воднаго на брегъ же рекы Костромы выше месте сего. И показа Андреяну место желаемое Нифантомъ, идеже хотехъ манастырь воздвигнути. Видевъ же старецъ и братия место вельми выше прежня//го места, точию старцу явися угодно, и любьляше его, и хотехъ на немъ манастырь воздвигнути и хождаше на место по два лета и моляшеся, дабы ему на томъ месте манастырь здати.