Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

О пришествии преподобнаго Ферапонта въ Благовещенъской манастырь на устье Монъзы реки ко старцу Андреяну и къ братии.



Прииде же преподобный Ферапонтъ от града, нарицаемаго Костромы. Тамо бо есть обитель, именуема Воздвиженьский манастырь. Тамо бе пребываше преподобный Ферапонтъ. В том же и приятъ// ??? иноческий??? образъ. А иже града, или веси, или родителю его пребывания нами не обретохомъ, или коликимии леты возъраста своего бе, егда во образъ иноческаго жития прииде, но едино точию обретохомъ от туду живущих мнихъ и от боголюбивых мужей беседъ духовныхъ в мале от сихъ истязахъ беседами великими в пользу духовную хотящимъ спасения душамъ своимъ и сихъ ревновати по Бозе житию,// яко же сей преподобный Ферапонтъ, жительствуя в преже реченней обители съ пребывающими тамо мнихи и соодолевъ темъ послушаниемъ ко архимариту и всей, еже о Христе, братии в заповеданыхъ ему сълужбахъ. Къ сему же многимъ возъдержаниемъ изнуряше тело свое и соодолеваше всемъ бесовскимъ страстемъ. Любимъ же бе и славимъ от всехъ тамо пребывающихъ и от самого архимарита оби//тели тоя за многое послушание, и кротость, и смирение, яко образъ ему быти во всехъ добродетелехъ тамо пребывающихъ и исправлениихъ жития. Почиташа же его и приходяще к нему вси людие града того от мала даже и до велика и до самыхъ началнейшихъ людей, рекше воеводы, и дьяки, и всякихъ чиновъ людие града того. И прошаше благословения от него. Преподобный же Ферапонтъ овемъ// любезне благословенныя глаголы изъглаголаша и молитвы творяше о нихъ, овемъ же прещениемъ запрещаше от слабаго жития и не прилежати в пустошьныхъ мира сего, и возбраняше от злаго наука пиянъственнаго и къ беззаконнымъ нечистотамъ прикасающихся крепце, утвержая, да бы целомудренно житие имели. И славимъ бе по всему граду. Онъ же уклоняяся от славы человеческия. Архимаритъ же тоя обители ве//льми его прославляше и свята его мужа нарицая.

Блаженный же Ферапонтъ утаився архимарита и всехъ сущихъ тоя обители, отойде во область града Галича, в весь, нарицаемую Корежьскую, въ Благовещенъской манастырь на устье Монъзы реки, идеже Андреянъ живяше, и приятъ благословение от старца и от всей братии, и молиша ихъ, да бы препочинути у нихъ. Старецъ же и братия молиша// его, дабы и жительство имелъ с ними. Во единъ же от дний позна преподобнаго Ферапонта старецъ Иевъ, егоже и выше именовахом. И глагола Андреяну: «Не презре Богъ моления нашего. Сей старецъ, иже ныне прииде во обитель сию, той есть иже являшеся в зачале места сего, и мнози видевше его въ явлении воистинну». Той есть, его же и ты виде на оном месте, идеже Нифонтъ. И ты хотехъ манастырь сей воздвигнути ста//рецъ же, слышавъ се от Иева и аки от сна мыслию воспрянувъ и рече, яко «той есть, его же азъ видехъ на ономъ месте, идеже хотехъ манастырь возъдвигнути». В то же время прииде в манастырь некий человекъ преже помянутыя деревни Григорьева имянемъ Фаддей по реклу Дружина Глухой да тое же деревни Григорьева вторый человекъ Потапий Дружина по реклу Голова. И видевше преподобнаго Ферапонта,// и познаша его, яко той есть его же встрете, егда идяху на поможение молитвеннаго храма здати на семъ месте. И глагола Андреяну: «Сей старецъ, иже прииде ныне во обитель твою, той есть его же мы и видехомъ на пути, егда идоша молитвеннаго храма здати на семъ месте. Онъ намъ рече о месте сем, яко свято есть и явитца на немъ человекъ святъ. Тогда его видехомъ простъ людинъ, ныне же одеянъ во иноческий образъ.// Воистинну той есть. Андреянъ же истинно разуме, яко той есть, иже многимъ являяся благими явленьми, и о месте прорицаше, яко свято есть и будетъ манастырь и явится человекъ святъ. Но не смеяше его вопрошати подробну и являющагося ему извести, да бы его въ глаголание привести, негли речетъ, яко «азъ есмь, егоже вы видеша». Старецъ же Андреянъ ко преподобному многими бе//седами духовными беседоваше и вопрошаше обещания его, которыя обители суть и где жительство имеяше. Онъ же отвещавъ: «Постриженикъ Воздвиженъскаго манастыря града Костромы и пришлецъ бехъ въ царьствующий градъ Москву, и живяхъ близъ дому блаженнаго Василия о единомъ тыну. Андреянъ же, слышавъ сия от преподобнаго и радостенъ бывъ вельми, яко истинно уведавъ иже являшеся и въ явлении// глаголаше: «Сожитель есмь Василиевъ, иже есть на Москве». Воистинну той есть, точию размышляше житие блаженнаго Василия, яко покрова не име и наго хождаше. Преподобный же домъ имяну и тынъ помянувъ, и прохождаше слава о немъ повсюду окрестъ Благовещенъскаго манастыря, яко прииде въ манастырь преподобный старецъ и велми святъ мужъ. Преподобный же Ферапонтъ молиша священноинока// старца Андреяна, дабы умолъчалъ о немъ и не яви его творилъ. И просиша у него, да бы его приялъ сына духовнаго. Старецъ же радостию радовахся прияти его в духовенъство, да быхъ уведалъ житие его, и творяше молитвы исповеданию. Во исповеди же преподобный ни единаго греха именовавъ на себе, точию молиша Андреяна, а ино прещениемъ прещаше, да не яви дела его творитъ, доньдеже в житии семъ, и удержитъ глаголъ// сей, иже являшеся древле на месте семъ, и прорицаше о месте, яко свято есть и много от духовныхъ глаголъ глаголаша преподобный Андреяну. О чюдо, яко сынъ отца наказуя и уча духовными глаголы. Андреянъ же, падъ на нозе его, поклонися и рече: «Не требуютъ здравии врача, ты же целъ еси, како прииде к недужному целитися?» Преподобный же рече ко старцу: «Помысли его же еси древле виделъ на бреге Костромы реки,// на месте, идеже ты хоте манастырь сей воздвигнути и рекохъ ти: отецъ ми еси будеши и имя мое увеси. Се ныне исполнися, яко отецъ ми еси и имя мое знаеши, но паки молю тя, да не повеси никомуже реченнаго мною иже глаголяй с тобою. И буди, яко истиннии отцы хранителие тайнамъ человеческимъ. Ты же сохрани глаголы моя, яже ти глаголахъ, донелиже есмь в житии семъ. И назнаменаше отшествие свое от жития сего и рече// Андреяну от днешняго дне яже ти исповедахъ грехи своя по прехождении дву летъ и шести месяцъ узриши о мне, яже Богъ повелитъ. Потомъ же времени преподобный Ферапонтъ на всякъ день старца Андреяна приимаше благословение, изъхождахъ изъ манастыря и прехождаше реку Монъзу и хождаху в дебри в чащи леса и молящеся Богу наедине, дабы никто его ведал, укрывашеся от славы человеческия Единъ же// от братии старецъ !!! Кирилъ той поропта на преподобнаго иже исходитъ из манастыря по вся дни, а с ними не обреташеся на страде манастырьской. И бысть во едину от нощей той преже реченный Кирилъ видитъ пришедшихъ к нему в келию множество ефиопъ черныхъ, и похваляху его велми о роптании на преподобнаго и рече ему: «Отгоните от места сего, на него же ты поропта, ленивъ бо есть и нерадивъ о работе манастырьской// его же вы туне питаете, пред вами ся творитъ аки святъ, отходя же в чащи леса спитъ, точию намъ спону велию творитъ. Старецъ же Кирилъ, воспрянувъ, вельми ужасеся и едва избеже ис келии своея, испаде лице его от страха и иде ко Андреяну и поведа ему все по ряду, како к нему прииде беси яве и глагола изъгнати преподобнаго от места и его похваляху о роптании. Старецъ же Андреянъ, знаменавъ его кре//стнымъ знамениемъ и отосла его паки в келию его. Кирилъ же помоливъся и возлеже паки на одръ свой, и паки прииде к нему беси, и рыкающе на него, аки львы дивии и съкрегчюще зубы своими, да бы его жива пожерьли и глаголюще ему: «Почто поведахъ советъ нашъ старцу, иже ти реша на лениваго вашего, на него же ты добре поропта? Мы поведахъ ти леность его и порадовахъся о роптании твоемъ, да бы больши во//здвиглъ еси гневъ на него. Ты же оклевета насъ старцу». Старецъ же Кирилъ аки мертвъ от страха лежаше, ни двигнутися можахъ. И прииде ему во умъ преподобный Ферапонтъ, и не можаху устъ своихъ отверсти, точию в мысли своей моляшеся и прощения просяше от него о роптании своемъ на преподобнаго и да бы ему помогъ въ беде той.