Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо преподобнаго.



И внезапу предста преподобный у одра его, куко//ль имый на главе своей и въ руце жезлъ и пхающе демоны коегождо жезломъ своимъ. Они же аки прахъ без вести творяшеся вси, и изчезоша. Преподобный же запрещаше старцу никому же поведати сего. И не виде его ктому. Воставъ же старецъ Кирилъ и поведа все видение старцу, иже с нимъ живяше во единой келии имянемъ Иеву, его же и выше именовахомъ. Иевъ же велми блажа преподобнаго Ферапонта и поведа Ан//дреяну яже слышахъ от старца Кирила. Андреянъ же поведая запрещение преподобнаго, дабы не яве его творили. Времени же некоему мимошедшу древний злобникъ и ненавидяй добра роду человеческому врагъ дияволъ, иже и древле всеявый многия плевелы посреде пшеницы, тако и ныне вложи ненависть на святое место, и на строителя и священноинока старца Андреяна, и на братию тоя обители// многимъ детемъ бояръскимъ, иже жительство имеяху во округъ обители тоя, да бы ихъ изгнати от места того. Паче прежепомянутый Алексей по реклу Нелюдовъ много оскорьбляше старца Андреяна и братию и прочихъ живущихъ ту, иже въ починнахъ живущихъ, овыхъ биюще, овыхъ же насилующе. Не пущаше в лесы входити и на реки ездити никакого ради орудия, повсюду земли своя именоваху и грабляху и обна//жаху манастырьския люди, всякую тесноту и гонение творяху, дабы и разорити хотехъ святое место и своихъ ему наущаху на изгнание манастырьскихъ людей. Преподобный же Ферапонтъ глаголаше Андреяну и братии: «Крепце терпите всякая озлобления». И полагаше вину на диявола, озлобляющихъ же сие место вину ихъ явитъ коньчина ихъ, месть приимутъ зде и въ будущемъ веце. Старецъ// же Иевъ, егоже и многажды именовахомъ, научениемъ бесовъскимъ не положи совета съ старцемъ Андреяномъ и зъ братиею, и иде во область града Вологды в преже реченный въ Павловъ манастырь. И навади того манастыря игумена, да бы владети Благовещеъскимъ монастыремъ и вотчиною къ павловскимъ вотчинамъ и не дати бы во обиду окрестъ живущимъ детемъ боярьскимъ. Игуменъ же Ио//иль писаше къ старцу Андреяну, дабы имъ именоватися Павлова манастыря вотчина и самого старца называя нашея церкви причетник сей. Старецъ же вельми печалию одержимъ, да бы не приединити къ Павловскимъ вотчинамъ и скорьбяше на Иева вельми. Преподобный же Ферапонтъ утешаше старца и братию не скорбети о семъ. Место сие не имать быти въ повинутии унного манасты//ря или въ поддании иные области. Старцу же Иеву не будет сие место в покойно в разстоянии иныя веси, коньчина ему явитъ его. Павлова же манастыря игумен Иоиль вельми належа на старца Андреяна и хотехъ его взяти во свой манастырь. И приехав во обитель Андреянову, старецъ же и братия разыдошася. Ко игумену же приехаша многие дети боярьския и наущая его, дабы ему владети// Благовещенъскимъ манастыремъ, а старца свести во свой манастырь. Игуменъ же поискавъ старца Андреяна, и не обрете его, и братия разбегошася. И вложи бесъ во умъ, да бы опустели церкви Божия. Игуменъ же Иоиль собра вся книги церковныя и отвезе во свой манастырь. По отехании же игумена Иоиля прииде въ манастырь старецъ Андреянъ. И видехъ преподобнаго ходяща по ма//настырю и обоима крылома мантии своея метуща манастырь и глаголюще во услышание всемъ: «Прахъ и съмрадъ твой да изыдетъ с тобою, и козни бесовъския да изъженутся. Старецъ же Андреянъ вельми плакася о книгахъ. Преподобный же Ферапонтъ назнамянуя день, яко привезутъ книги сея церкви, понеже игуменъ впаде в лютъ недугъ. По оздравии же отойдетъ от Павлова манастыря, якоже и бысть.// Времяни же малу мимошедшу и привезоша вся книги исъ Павлова манастыря ко Андреяну и просяще прощения и вдаша писание преподобному Ферапонту от игумена Иоиля. Преподобный же никому же поведахъ писания, токмо глаголаше, да не прельщается сердце его о мне, грешнемъ муже. Прежереченный Иевъ старецъ, убоявъся Андреяна и иде во ину весь, иже нарицаетца Жилино, тамо есть место// пустое Городище на реце, глаголемей Езоне. И пребываше на месте и тамо прославляше преподобнаго Ферапонта. Осени же наставши, приидоша на старца Иева злии разбойницы и убиша его и въ градный ровъ вкопаша его. Мощи же его тамо лежаше и до сего дне. Зъбысться слово преподобнаго Ферапонта, егда въ явлении глаголаше Иеву не молитися о месте, идеже Нифонтъ хотехъ манастырь сей воздвигнути, и прорече ему: «Не// будетъ ти в покой и сие новое место. Ты же разстояние имети будеши от сего места тридесят поприщъ». Преподобный же Ферапонтъ въ день исхождаше изъ манастыря и моляшеся на едине, в нощи же без сна пребываше и писаше божественыя книги и велию веру имяше къ великому чюдотворцу Николе, и почиташе житие и чюдеса его день и нощь. Во единъ же от дний изъшедшу преподобному вне манасты//ря и прешедшу реку Монъзу, и отиде на обычное свое место молитися, да бы его никто же ведалъ. И бе некая жена имянемъ Пелагея, хождахъ в лесе, берущи овощие. И ощутихъ преподобнаго в часе леса на бреге реки Монъзы прешедша врагъ, иже нарицается медьвежей. И видехъ его седяща на коложе обнаженна до пояся. Тело же его обливашеся кровию от ядения пауков, и комаровъ, и мшицъ. Оваду же надъ нимъ аки стол//пу стоящу множество много. Жена же, приближивъся къ преподобному и хотехъ тужити, яко же и всякая жена, и абие ослепе и не виде преподобнаго, ни места. И осязаше руками древие, дабы ити ей въ путь свой. И возопи гласомъ велиимъ: «Святче Божий, прости мя грешную». И абие прозре и обретеся на друзей стране прежереченнаго врага и вельми ужасеся, и иде въ домъ свой, и хотехъ мужеви своему и домашнимъ// поведати и не могохъ ничтоже рещи. По некоемъ же времени сказаша Андреяну вся бывшая еже ей преподобный сотвори. Старецъ же рече ей никому поведати бывшаго. Она же глаголаше, аще хотехъ кому поведати, но не могу, аки некая сила возбраняет мя.