Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо преподобнаго Ферапоньта.



Бысть въ некое время пловяху рекою Костромою струги съ солию от града, нарицаемаго Соли Галическия. Хозяева же ихъ присташа ко брегу, смотряюще порогу, иже нарицается боранъ прямо Благовещеньскаго манастыря. Хозяева же,// изшедше на брегъ, и видехъ устремление водное разъливашеся по камению порога того, и мысляше, како бы имъ проити место то. Овии глаголаху: «Идем въ манастырь сей помолитися, и пети молебны, и призвати на помощь преподобнаго Ферапонта. Единъ же от нихъ хозяинъ имянемъ Вавила, сей глаголаше: «Много таковыхъ старцовъ, негли вси святи?» И овии идяху в манастырь и певше молебная пения, и подаяху въ манастырь соль// и сребреницы и братии милостыню. Сей же прежереченный Вавила отщетихся помолитися и милостыни не послахъ в манастырь и, молящеся, начаша пущатии струги своя. И абие благополучно снидоша прагъ речныя быстрины. Прежепомянутый же старецъ Леонтий в то время хождахъ по брегу реки Костромы, да видитъ, како преходятъ струги такия быстрины. Стру//ги же пущахъ по единому, и на коемъждо струге старецъ Леоньтей видитъ старца седяща на корме ветха деньми и правяща кождо стругъ. Всехъ же струговъ седмь. Леонтий же стояше на бреге и прилежно смотряхъ, кии старецъ обреташеся на стругахъ. И не знаяше старца, на нем же бе куколь и обувенъ въ лапти. Къ седмому же стругу привязаша ужа и начахъ пущати на быстрины. Леонтий же видитъ прежепомянутаго древь//няго старца, стояща на бреге высоко, а не на корме седяща. Юноша же некий хождахъ по брегу и секуще мечемъ ужа ихъ, имиже держаху стругъ. Стругъ же той влаяшеся вольнами и бияшеся о камение. Хозяинъ же ихъ прежепомянутый Вавила, падъ на землю, валяяся, и вопияше: «Горе мне, окаянному, изъгубихъ своя и чюжая». Инии глаголаху ему: «Согрешилъ еси: хулу глаголахъ на преподобнаго Ферапонта// и милостыни не послахъ в манастырь, клеврети твои снидохъ стройнымъ плаваниемъ. Ты же стражеши въ быстринахъ сихъ». Онъ же безпрестани вопияше: «Святче Божий, прости мя, грешняго». И въ мысли своей участие отдаяше струга своего в манастырь, дабы преподобный помолилъся о немъ. И абие стругъ его опрошася о едином камени. Старецъ Леоньтий видитъ прежепомянутаго старца стояща// предъ стругомъ среди быстрины и удержающе воды мантиею своею, дабы не залияла струга того. И паки привязаша ужи своя къ стругу тому. Преподобный же, раскрылив мантию свою, и не даяше литися воде въ стругъ стройнымъ плаваниемъ. Старецъ же Леоньтий прииде в манастырь и поведающе Андре//яну вся преже писанная, како струги сходяще с порогу, нарицаемаго Боранъ, и како старца видехъ, на корме седяща и струги правяща, на единый же стругъ не седьшу, и юноша секуще ужа ихъ, никому же возбраняюще ему и како стругъ влаяшеся и како той же старецъ мантиею держахъ воду и не дахъ залити струга того и рукама устремихъ на путь водный, силу старца поведахъ. По мале же времени прииде в мана//стырь преже помянутый хозяинъ Вавила, принесохъ соли немало бремя и сребреницы даяхъ, и молиша Андреяна пети молебны. Андреянъ же вопроси Вавилы о беде его. Онъ же вся по ряду исповедахъ ему и глаголы своя поведахъ, иже глаголаше на преподобнаго. И паки вопроси его Андреянъ: «Какого старца имате на судахъ своихъ?» Онъ же отвещавъ: «Несть у насъ старца». Андреянъ же рече: «Юноша у васъ// сечахъ ужа, вы же не возбраняхъ ему. И хотехъ потопити стругъ твой». Онъ же рече: «Кому тако творити? Ужа наша о собе урвохся. Азъ же окаянный молихся о согрешении своемъ и призывахъ на помощь преподобнаго Ферапонта. Онъ ми поможе въ беде моей. Отныне же не имамъ когда минути манастырь сей тщима руками, всегда подаяти хотящу и у твоей святыни благословение приимати». Андреянъ же поведах ему// все чюдо преподобнаго и иде с нимъ на суды ихъ и поведе всемъ людемъ, яко же виде старецъ Леонтий преподобнаго Ферапонта на стругахъ ихъ помогающа им. Единъ же от хозяевъ имянем Афонасий той рече Андреяну: «Отче святый, и азъ видехъ старца седа, бродяща пред стругомъ Вавилинымъ и противъ воды раскриляющу мантию свою, не даяше залити струга Вавилина, а другий старецъ младъ хождахъ по брегу и не схождахъ на во//ду. И дивихся азъ: старый бродяхъ и помогахъ стругу, а младый стояхъ на бреге. Андреянъ же истинно уведахъ о чюдеси преподобнаго и веру ятъ о видении старца Леонтия, яко истинно видехъ преподобнаго на реце помогающаго в беде сущимъ.