Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо преподобнаго Ферапонта, како явися старцу Феодосию, слепу сущу.



Бе некий старецъ имянемъ Феодосий того же Благовещеньскаго манастыря постриженикъ и в некое// время, мелющу ему въ жерновы рожъ на строение хлебомъ, старецъ же той слепъ бе, ни блеску видехъ. В полунощи же мелющу ему, и внезапу явися ему светъ въ храмине той и видехъ всю пекольницу ясно и шедъ открыи оконьце храмины тоя и видехъ по манастырю тма сущи, и зрехъ къ церкви Николы Чюдотворца, идеже погребенъ бысть преподобный Ферапонтъ, и видехъ въ церкви светъ велий светящеся, и людие хождахъ въ церкви.// Старецъ же, в велице ужасе бывъ, яко, слепъ сый, видитъ все ясно и помышляхъ ити на гробъ преподобнаго, негли и совершенно тамо исцелеетъ, да и во дни светъ видитъ. Старецъ той правъде мужъ пребываше въ пощении и во бдении и труждаяся день и нощь, мню, яко и той святъ есть. И иде старецъ Феодосий въ церковь Николы Чюдотворца на гробъ преподобнаго и прииде ко дверемъ церковнымъ, и видехъ двери отверъсты. Преподоный же Фе//рапонтъ единъ стояше противо царьскихъ дверей, от него же светъ велий сияше, яко солнце. Старецъ же не смеяше внитъти в церковь и, обращься преподобный ко старцу, и рече ему: «Ты убо чего просиши у Господа Бога Нашего Исуса Христа. Старецъ же во ужасе велии бывъ, и рече къ преподобному: «Прошу отпущения греховъ моихъ». И рече ему преподобный: «Иди и подвизайся. Яко же начатокъ сотворилъ еси, тако и соверши». И не по мнозе вре//мени имаши видети будущий светъ. Онъ же падъ и молихся ему, дабы даровалъ ему видети паки сей светъ. Рече же ему преподобный: «Сей светъ прелеть века сего суетнаго, ты же сею слепотою избудеши будущия тмы». И абие невидимъ бысть. Старецъ же Феодосий осязаше руками своими двери церковныя и слышавъ двери затворены и заключенны, яко же и бысть, и не виде ничесоже, яко же и первие. И иде въ пеколницу// и помоливъся на долгъ часъ, помышляюще видение свое. Обычай же бе ему по вся нощи без сна пребывающе, ово меляюще, ово молящеся Богу, не даяше покоя себе ни днию, ни нощию. Мельницы же тогда не имущи скудости ради. Феодосий же вся уроки братьския, мелюще своими руками, у инехъ же тайно взимаше и мелюще и муку поставляше. Времени же некоему мимошедшу, старецъ Феодосий мелюще// в полудни. В то же время всемъ людемъ обычай есть почивати от трудовъ и внезапу предста ему преподобный Ферапонтъ и рече: «Миръ тебе и благословение». Феодосий же видитъ ясно преподобнаго въ мантии и в куколе стояше пред ним и обувенъ в лапти и, падъ, поклонися ему до земли, ведяще, яко истинно видехъ преподобнаго, его же и жива добре сведе, и молящеся вкупе, и рече ему преподобный: «Не по мнозе времени будетъ гладъ велий// по всей руской стране. Ты же того не дойдеши. Подвизайся же, яко же рехъ ти исперва. Помале бо времени узриши мя во ономъ веце. Отселе же зде не имаши видети мене, точию тело твое близъ гроба моего погребено будетъ. Ты же повеждь Андреяну тайну тверде, да блюдетъ жита своя. В ты дни мнози препитаются от места сего и распространятся до земли манастыря и рапространятся же и лесы, и будутъ// деревни. И абие невидимъ бысть преподобный и Феодосий ничтоже видех, яко же и первие. И шедъ поведах Андреяну вся поряду иже и прежде видехъ преподобнаго. И ныне якоже и о гладе возвести ему. Андреянъ же слышахъ от Феодосия и яко истинно быти сему, веру емлетъ ему и своя видения поведаетъ Феодосию и глагола ему, яко да умолчитъ се, еже о гладе. Извести преподобный, да не возмутити людий, скрываше вся// глаголы сия въ сердцыхъ своихъ. Времени же некоему мимошедшу, преставися старецъ Феодосий в вечьную жизнь на преставлении Феодосия тако же седяше голубь белъ на келии его и благоухание бысть по всему манастырю, яко же на преставлении преподобнаго Ферапонта, и погребенъ бысть Феодосий въ той же церкви въ пределе Николы Чюдотворца близъ гроба преподобнаго Ферапонта. Времени же настоящу осмыя тысящи сто девятое лето исходяще в постъ Успения Пресвятыя Богородицы всякия хлебныя плоды позябли велиемъ мразомъ по всей русской стране и бысть гладъ велий повсюду. В ты же времена мнози люди приходяще ко старцу Андреяну в манастырь и работающе и питахуся, и поселяшеся на пустоши и на лесы манастырьския, и живяху мнози же и дети бояръския приезжаху ко старцу и прошаху хлеба. Старецъ же// даяше имъ, всю надежу свою возложивъ на Бога, и на Пречистую Его Богоматерь, и на преподобнаго Ферапонта, имый въ мысли своей явление преподобнаго и како ему глаголаше: «В ты дни не оскудеютъ житницы твои», яко же и Феодосию старцу глаголаше въ явлении о неоскудении житницъ и о пространъстве места. Гладу же належащу по три лета, людии же множахуся ко старцу во обитель. Он же до изобилия всехъ питаху жи//тницы никако оскудеваше по глаголу преподобнаго Ферапонта. Старецъ же и братия, молящеся день и ночь, и хвалу воздаваше Господу Богу, и Пречистой Его Богоматери, и преподобному чюдотворцу Ферапонту, видяще житницы свои, не оскудевающе и всякия пища изобилующе молитвами преподобнаго Ферапонта Чюдотворца.