Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо преподобнаго отца нашего Ферапонта.



Бе некий сынъ боярской имянемъ Илия по реклу Богданъ Карповъ, разсвирепився на строителя священноинока старца Андреяна и глаголаше: «Сокрушу старца сего, понеже поставилъ деревню близъ моея пусто//ши и хощетъ владети моимъ поместиемъ. Азъ же ехавъ въ манастырь строителя, и прочую братию побию, а деревню, ея же поставихъ близъ моие пустоши пожгу и житель разорю, да не буду поруганъ от старцовъ. Уне ми есть разгнати, нежели мне поругану и обидену быти. И собравъ вся люди своя и крестьянъ имения своего, и ехаша въ манастырь на устье и приехавъ ко прежепомянутой деревне, зовомой// Кусакино и рече людемъ своимъ: «Идите и имите жителей места сего, да ихъ связаны ведеве в манастырь ихъ. И тако всемъ въкупе поругаемся». Манастырьстии же хрестияне разбегошася, слышавъ свирепъство гордаго человека того. И внезапу явися имъ старецъ, сединами сияюще, и вопроси их, камо едутъ. Они же его вопросиша: «Ты коего манастыря есве?». Онъ же рече имъ: «Негли помолитися едете на гробъ// преподобнаго Ферапонта?» Они же реша ему: «Видимъ тебе странна старца, а не сего манастыря, идеже блудникъ живетъ Андреянъ. Старецъ же рече Богдану: «Аще не отвратишися отселе в домъ свой, не имаши видети дому своего». Богданъ же повороти конь свой гнати старца и абие спаде с коня. Старецъ же невидимъ бысть. Богданъ же и паки больма разъсвирепився и ехавъ въ манастырь, хотя разорити вельми грозяся и //доехаша до святыхъ вратъ и снидохъ помолитися святымъ иконамъ и святымъ Божиимъ церквам. И абие скоро прииде весьтницы дому его и рече ему: «Домъ твой в сий часъ згоре весь и всеянный въ земли хлебъ попали огнь и ни единаго прясла ограднаго оста. Богданъ же, слышавъ сия от вестника, вельми прослезися и раскаявъся о злотворении мира и не сотвори ни единого зла въ манастыре и иде в мана//стырь и помоливъся на гробе преподобнаго Ферапоньта и испроси прощение у старца Андреяна и вдаде милостыню довольну старцу и братии, и поведа Андреяну, яко воистинну видехъ преподобнаго Ферапонта. Онъ явими ся и рече: «Возвратитися въ дом мой. Аще не возвращуся, не имамъ видети дому моего». Се збысться реченное имъ, яко не узрю дома моего и вся исповедавъ по ряду старцу Андреяну, како яряся от бесов//ския зависти и како хотехъ зло ему сотворити. И оттоле положи заветъ велий на себе и на сынех своихъ, да не пререковати ни въ чемъ манастырю сему, якоже и бысть. Старецъ же и братия похвалиша Бога, и Его Пречистую Богоматерь, и угодника ихъ преподобнаго Ферапонта о бывшихъ чюдесехъ, яко истинно заступаетъ обитель свою.