Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо преподобнаго Ферапонта, како явися священноиноку Андреяну и како назнаме//навъ преставление ему въ тридесятъ первое лето по преставлении преподобнаго Ферапонта.



Бысть во едину от нощей явися священноиноку строителю старцу Андреяну и рече в видении: «Настанутъ времена люта и будутъ мятежи велия в руской стране, пойдутъ иноплеменницы и пленитит имутъ многие грады государьства московъскаго и веси многия попленятъ. Приидетъ же и до зде и до поморскихъ// местъ дойдутъ. Ты же обитель твою соблюди жита, и имения манастырьская, и скоти, и ничто же от твоея обители обиденно будетъ ими, по прехождении же двою лет будетъ смирение и тишина во всей руской стране. В то же время ты узриши яже о тебе збудетъся». Андреянъ же во ужасе велии бывъ, и укрепивъся духомъ, и вскоре отиде страхъ от него, и вопросихъ преподобнаго: «Како претерпимъ напа//сти и беды сия, попущенныя от Бога грехъ ради нашихъ?» Отвеща ему преподобный: «Ничто же от твоея обители погибнетъ или обладано ими будетъ, но и попранныя нивы паки возрастутъ. Ты же подвизайся яже ти рекохъ, узриши о себе». И абие невидимъ бысть преподобный. Андреянъ же иде на гробъ преподобнаго и помоливъся на долгъ часъ, и помале времени прииде вестницы от града Галича и поведаша пришествие// литовъскихъ людей ко граду и позжение посадов. Андреянъ же сотвори малу хлевину в дебри вдалее от манастыря едину стадию и собра ту вся жита своя и имения манастырьская. Нашедшим же иноплеменником, и окрестныя веси поплениша и пожгоша, приидоша же и до обители Андреяновы. Старецъ же и братия вся разбегошася въ дебри. Стояше же сопротивнии во обители два дни и две нощи,// всеянныя же нивы вся попраша коньскими ногами и потравиша без остатка, и паки отоидоша от обители сопротивнии, и оставиша огни велии въ манастыре, дабы погорели церкви, и келии, и весь манастырь. И погореша вся станы сопротивныхъ внутрь и вне манастыря и в полехъ. Церкви же и келии и весь манастырь силою Божиею и молитвами преподобнаго чюдотворца Ферапонта сохраненъ бысть, ни дымная воня коей любо хра//мине прикоснуся. По отшествии же ратниковъ старецъ и братия приидоша в манастырь и виде станы ратныхъ позжены, церкви же и келии целы стояще, ничим же вредимы. И возрадовашася старецъ и братия о спасении манастыря и обрете сосуды в забытии повержены котлы и ины сосуды, ктому же обрете два коня, идоша же х клетце своей в дебрь, идеже собраны жита и имения манасты//рьская и видехъ въ хлевине той многи стези потлаченны конницы и пешцы хождаху к хлевине той. Братия же восплакася горко мняше разграбление клети тоя, понеже вся имения манастырьская ту собрана быша и видеша ю заключену и печати целы и вся нерушима и возрадовашася радостию велиею и похвалиша Бога и Пречистую Его Богоматере, и угодника ихъ преподобнаго чюдотворца Ферапонта. Братия же въ скорби вели//цей бысть о попрании и потравлении всеянаго хлеба. Старецъ же, утешая братию, поведая имъ явление преподобнаго Ферапонта и како ему рече о наществии иноплеменникъ, ничтоже погибнетъ от обители, но и попранныя нивы возрастутъ. Братия же, слышавъ от старца таковая чюдеса преподобнаго отца Ферапонта, и утешашеся истинно, веру яша о чюдесехъ преподобнаго. Нивы же в видении возрасташе и класы исполняше//ся и плодъ сотвориша вящее первыхъ плодовъ.