Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо преподобнаго Ферапонта.



Егда пишущу списателю чюдеса преподобнаго чюдотворца Ферапонта и прииде въ манастырь некая жена имянемъ Ирина тоя же обители християнька живый близъ манастыря и спро//ста вопрошаше некоего въкладьчика того манастыря имянемъ Михайла, где записываютъ чюдеса преподобнаго Ферапонта Чюдотворца есть ми поведати исцеление сына моего. Михаилъ же рече ей: «Иди ко игумену и повеждь ему все по ряду». Она же шедше х келие игуменове и вопроси старца некоего, како бы ей видети игумена. Старецъ же возвести игумену о пришествии жены. Игумен же изыде на присение и вопроси жены, «какое орудие и//маши до мене?» Она же нача повествовати о исцелении сына своего: «Сынъ мой отрокъ сущий младъ сый зле сътрадахъ от лютыя болезни, болеша глава его, и отъяхся языкъ его, и затворишася слух его, и все тело его болезноваше, и разслабеша составы, не владяше руками и ногами, и озимеша въ скорьби той. И едва прииде ми мысль молитися преподобному Ферапонту Чюдотворцу. Азъ же обещахъ сыну моего вести ко гробу преподобнаго Ферапонта и// стояхъ предъ образы и молихся со слезами и возрехъ на сына моего и видехъ его о собе движущеся на постели его. И нача мене вопросити мати моя: «Что плачеши?» Азъ же возрадовахся вельми о глаголех его многое время не слышахъ гласа его ни стенюща, ни глаголюща, ни очей его зрящихъ когда видяще, понеже аки мертвый трупъ лежаше, точию дышуще. Ныне же движуще рукама, и ногама, и языкомъ глаголюще. И еще искушая его о слышании,// совершенно ли слышитъ. И возва его имянемъ Тимофей (тако бо именование его). Онъ же отзвася ми: «Что ми глаголати хощеши?» Аз же рече ему: «Везу тя в манастырь ко гробу преподобнаго чюдотворца Ферапонта, да тамо помоливеся с тобою». Онъ же рече ми: «Азъ самъ иду въ манастырь и помолюся Азъ же обеты положу на всяко лето на праздникъ пренесения четсныхъ мощей иже во святыхъ отца нашего Николы Чюдотворца пети молебны у гро//ба преподобнаго чюдотворца Ферапонта о исцелении сына моего. И в томъ часе исцеле сынъ мой совершенно. Игуменъ же вопросихъ жены тоя: «Како ти прииде во умъ изъвестити о чюдеси семъ?» Она же рече: «Во ономъ дни видехъ етера старца грядуща во обитель сию, поведахъ ми ся Соли Галическия, и вниде во дворъ мой и о тебе вопросихъ. Азъ же поведахъ тя въ манастыре и вопросихъ его, какое орудие имаши ко игумену. Онъ же ми рече: «И//ду писати чюдеса преподобнаго Ферапонта». Азъ же по сему разумехъ, что пишутъ чюдеса преподобнаго Ферапонта и приидохъ возвестити сия. А уже четвертое лето настоитъ, отнелиже исцеление бысть сыну моему. Но и еще ти, отче, поведаю: в предидущее лето, не сотворшу ми обета своего оскудения ради хлебнаго, и пенезей на праздникъ чюдотворца Николы, не бывшу ми въ манастыре и мобенаго пения не совершивъ, яко же обещаховеся. И мало дней// минухъ по празднице чюдотворца Николы, и внезапу порази м велия болезнь, последи же и сына моего, и вскоре уразумехъ преступление обета своего и начахъ молитися со слезами, что совершити обещание свое. И въ третий день бысть ми облегчение и сыну моему. Аз же не имехъ пенязей что дати на молебенъ и вземленъ и несохъ в манастырь. И сотворившу ми по обещанию своему, и совершивъ молебная пения, и быша здравы съ сыномъ своимъ, идохъ// и на нивы делати. Игуменъ же разумехъ, яко воистинну явися жене той преподобный Ферапонтъ, поведах ся ей «иду чюдеса писати», все истинно ведехъ, яко никого в ты дни странна приходяща в манастырь старца или мирянина видехъ. И похвалиша Бога о таковыхъ бывшихъ чюдесехъ молитвами преподобнаго чюдотворца Ферапонта.