Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо 1. внегда принесены бысть многоцелебныя мощи преподобномученика и отца нашего игумена Андреана въ его в созданную обитель при игумене Порфирии.



Лета 7135-го, егда преподобномученика и игумена Андреана многоцелебныя его мощи обретоша и некоего царскаго сигклита Флора по реклу Томила Луговскаго приказныи его человекъ Пошехонския веси Шагоцкие волости Константинъ на обретение мощеи бысть, възя втаи мощей участокъ, мня на благословение себе, и отнесе в дом свой, никому же ведуще. И абие впаде той приказный человекъ Константинъ въ велий золъ недугъ, и воспомяну той слуга в болезни своей, что чюдотворъныхъ взя втай, никому же поведа, и отсла, взявши участокъ мощей, во обитель Успения Пречистыя Богородицы к целбоноснымъ мощемъ преподобномученику и отцу нашему игумену Андреану. И по томъ бысть здравъ той приказный человекъ и отиде в домъ свой, благодаря Бога, и Пречистую Его Богоматерь, и преподобномученика Андреана.

Чюдо второе.

В та же времена, егда несены многоцелебныя мощи преподобномученика игумена Андреана во обитель его созданную, во Андреанову пустыню, и идущимъ игумену Порфирию со освященнымъ соборомъ и с христолюбивыми христианы и многоцелебныя мощи на главахъ носяще к селу Кобелеву, и тоя же Андреановы пустыни христианинъ Маркианъ слепъ очима и не виде пять надесятъ летъ и на встретение честныхъ мощей той христианинъ прозре очима и бысть здравъ и яко николиже безо очию в слепоте бывшу и благодаря всемогущаго Бога, и Пречистую Его Богоматерь, и преподобномученика отца нашего игумена Андреана Чюдотворца в созданную его обитель, и положен бысть многоцелебныя его мощи в соборней церкви честнаго и славнаго Ея Успения и Приснодевы Марии противъ праваго клироса в раце и бысть преподобномученика игумена Андреана от многоцелебъныхъ мощей его в различныхъ недугехъ и в скорбехъ велие исцеление.

Злый же властолюбецъ и завистникъ лукавый бесъ, искони ненавидя святыхъ отецъ, не хотя видети на месте семъ в прежесозданней его обители преподобномученика игумена Андреана многоцелебныхъ мощей его, но хотя и храмъ Успение Пречистыя Богородицы и многоцелебныя мощи сожещи… Бысть во храме Успения Пречистыя Богородицы у гроба преподобномученика игумена Андреана свеща на лампаде неугасимая и, егда игумену Порфирию и братиямъ после соборнаго пения ишедшимъ из церкви, и ринуся свеща неугасимая с лампады на гробъ преподобномученика игумена Андреана на покровъ, изгоре свеща на гробу, на покрове. Покровъ же и гробъ с мощьми преподобномученика игумена Андреана целъ бысть, ничтоже вредимо бысть. Егда же время соборному пению и игумену Порфирию и братиямъ сшедшимся в церковь, и виде таковое чюдо на гробу преподобномученика игумена Андреана: свеща неугасимая на гробу и на покрове изгоре, и к покрову, и ко гробу не прикоснуся огнь. Игуменъ же Порфирий и братия нача славити Бога и Пречистую Богородицу и великаго чюдотворца Андрена и молебная Богу воздаша.

Чюдо четвертое

Тояже обители Андреановы пустыни христианинъ Томило Борисовъ впаде в великий недугъ золъ и бе мучимъ лукавымъ бесомъ и беснующися, яко и людей ему не знати и святымъ иконамъ не покланятися. И тоя же обители христолюбивыми христианы едва приведоша того беснующегося человека Томила во обитель Успения Пречситыя Богородицы и к многоцелебнымъ мощемъ преподобномученика игумена Андреана приложили и, певъ молебная пения, и не по мнозе времяни бысть здравъ, яко николиже в болезни быхъ, и отиде в домъ свой славя Бога, и Пречистую Богородицу, и преподобномученика игумена Андреана чюдотворца.

Чюдо пятое.

Тояже Андреановы пустыни бысть сослужебникъ именемъ Архипъ и впаде в велий недугъ и бе мученъ от нечистаго духа, беснуяся. И тоя же обители боголюбивыя мужи едва приведоша его въ церковь. Онъ же, беснующася, не возможе поклонятися святымъ иконамъ и не лепотная глаголаше; бе одержимъ лютым бесомъ, и диаволимъ наушениемъ украдоша той беснующий святыя кресты и пометаху не в подобно место. Едва возмогохомъ, и приведоша его въ церковь того беснующаго, и приложиша ко многоцелебнымъ мощемъ, и не по мнозе времяни бысть здравъ, яко никогда же бе тою болезнию одержимъ. И святыя кресты обрели, и по томъ той человекъ боголюбивъ бысть.

Чюдо шестое

Тое же пошехонские веси государевы дворцовые езовые Шелшедамские волости бе некий христианинъ Мартианъ по реклу Злочаня, впаде в велий недугъ золъ и тако разслабленъ бысть: руце и нозе отъяшася и ничимъ же не возможе владети, но токмо по земли ползая и валяшеся. И паки той христианинъ и родители его, слышавше о преподобномъ мученике Андреане, что бываютъ от него многая исцеления болящимъ, и обещася той христианинъ, «аще мя преподобномученикъ Андреанъ от болезни сея исцелитъ, не изыду из дому чюдотворцева, но пребуду до смерти своея». И паки повеле родителемъ своимъ вести себя во обитель Успения Пречистыя Богородицы во Андреанову пустыню. Родители же того христианина везоша того к чюдотворцу Андреану. И отпевше молебная пения, и остависта родители того христианина в монастыреи не по мнозе времяни исцеле той христианинъ от недуга своего и бысть здравъ, яко николиже в болезни бысть.