Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо седмое о томже человеце.



Егда же той человекъ имянемъ Мартианъ исцеленъ бысть от болезни своей и труждаяся во обители Пречистыя Богородицы, и поживе доволно время, и бысть у игумена з братиею в послушании и работая от усердия своего. Злый же врагъ, искони ненавидяй Бога ради труждающихся человекъ, и вложи во умъ тому человеку из монастыря изыти, не хотя работати на игумена з братиею. И рекъ человекъ той, яко «мимо шло есть болезни моей». И забы обещание свое в лютой немощи, и изыде из монастыря в преждереченное свое жилище, въ государеву волость. Не по мнозе же времяни и паки та же болезнь обратися от него, но и паче перваго лютее. Человекъ же той Мартианъ восхапися, преждереченное свое слово воспомянувъ, низрече: «Егда мя преподобномучениъ Андреанъ от болезни сея исцелитъ, не изыду из дома чюдотворцева до смерти моея». И повеле родителемъ своимъ вести себя к чюдотворнымъ мощемъ преподобномученика Андреана. Родитилие же отвезоша его в монастырь и не по мнозе времяни исцеле той человекъ, и бысть здравъ, и пребыша в монастыре, елико Богъ даровалъ живота его.

Чюдо осмое.

В некоторыхъ весехъ и странахъ бысть некий человекъ по реклу Лотоша. И хождаше в миру во ошелницехъ. Бысть же ему к Пошехонской веси в государевыхъ дворцовыхъ в Шелшедамскихъ волостях со дружиною своею и бе в бани у христианина непотребная деяху. И вселися в него нечистый духъ и обдержимъ лютымъ бесомъ и устремися на бегство в путь. Богъ же всещедрый Владыко человеколюбецъ и Пречистая Его Богомати, хотя прославити угодника своего преподобномученика Андреана, человекъ той, обдержимый лютымъ бесомъ, бежаще к чюдотворнымъ мощем во Андреанову пустыню и бе близъ бежаше монастыря. И диаволимъ восхищениемъ хотя устремитися той человекъ и мимо минути чюдотворца, людие же сея пустыни, увидевше того человека нага бежаща, ни единыя одежды имуща, и разумевше, что лукавымъ духомъ одержимъ, и похаппивше его и едва ведоша в церьковь Успения Пречистыя Богородицы и ко гробу преподобномученика Андреана. И человекъ той кричаше и бияшеся и, беснующися, и иконы нача пометати. Людие же лозиемъ его бияху, и не возмогоша его держати, и той беснующий человекъ бегу ся ятъ и бежа в Патроболскую волость. И тамо ему люди многи раны бритвами возложиша на лице, и на хрепте, и на раме, и бежа беснующийся.

Вечеру же позде бывшу, по смотрению же Божию сведенъ бысть той человекъ беснующийся в сонъ тонокъ и, возбнувъ в вотчине Пречистыя Богородицы, в лесе под древомъ близъ деревни Кузнечки, и явися ему преподобномученикъ Андреанъ, указуя ему пути вдатися к дому Пречистыя Богородицы и к своимъ многоцелебнымъ мощемъ за пять поприщь от монастыря и паки невидимъ бысть. И той беснующийся человекъ во ужасе бысть и от болезни исцеленъ здравъ бысть, предстоя плача и рыдая, не имуща ни единыя одежды и хотяще итти, но людей срамляшеся. И некая жена боголюбива внезапу найде того человека Дионисия нага предстояща. Человекъ же той хапашеся и срамляшеся. Боголюбивая же та жена, отложше женскую немощь и обложшеся в мужескую немощь твердость, и да ему одеяние, снемъ с себя.

Человекъ же той Дионисий прииде въ обитель и, отпевше молебная пения, и от преподобномученика игумена Андреана от его многоцелебныхъ мощей получи исцеление, здравъ бысть. И поживе в дому Пречистыя Богородицы, работая доволно время, и отиде во своя си.

Чюдо девятое

Тоя же обители Андреановы пустыни села Пертомолы некий посацкий человекъ именемъ Юрий Казариновъ впаде в велий недугъ от пиянства. И вселися в него нечистый духъ лукавый демонъ. Беснующися, и иконы святыя на землю похищалъ, и тоя же обители благочестивые мужие едва приведоша того беснующаго человека Юрия в монастырь во Андреанову пустыню. И отпевше молебная пения, и ко гробу к многоцелебнымъ мощемъ преподобномученика Андреана приведоша. И абие беснующий той человекъ Юрий сведень бысть в сонъ тонокъ у гроба преподобнаго чюдотворца Андреана, и абие вскочи ото сна и бысть здравъ, и обещася от пиянства удалитися до смерти своея, и отидоша в домъ свой, славя Бога и Пречистую Богородицу, и преподобного чюдотворца Андреана.