Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо третие надесять.



Бысть в Пошехонии Белого села Романовского государевъ губной староста Кирило Васлиьев сынъ Хвастовъ. Манастырь же отстоя десять поприщьот села Белого. При боголюбивомъ же игумене Илии тоя обители от того губного старосты Кирила Василиева сына Хвастова дому Пречистыя Богородицы и чюдотворцу свады и обиды велия быша, и безвинныхъ в вину претворяше. Игуменъ же и братия тоя обители со вторицею скупы даваше ему. Онъ же хапаше и свирепяся, и ничтоже от него благо бысть, но и паче на домъ чюдотворцевъ возяряшеся. Игуменъ же и братия в велии печали и сетовании бысть.

Богъ же Всещедрый Человеколюбецъ и Пречистая Его Богомати, не хотя домъ свой чюдотворный гибнущь быти, но и хотя угодника своего преподобномученика прославити, нападе на того губного старосту Кирила Василиева сына Хвастова недугъ золъ и обдержимъ лукавымъ демономъ, но и беснующиися. Людие же, его видевше страждуща от нечистаго беса, и везоша его въ домъ Пречистыя Богородицы и къ Чюдотворцу Андреану. И привезоша во обитель и отпевше молебная пения, и у многоцелебныхъ мощей в третий день получи иселение и бысть здравъ. И отиде в домъ свой славя Бога, и Пречистую Его Богоматерь, и великаго чюдотворца Андреана. И по томъ той Кирило Хвастовъ в домъ Пречистыя Богородицы и къ чюдотворцу Андреану держа велию веру и бысть милостивъ и воздатель.

Чюдо четвертое надесят

Тоя же обители при боголюбивомъ же игумене Илии бысть чюдо сие. Монастырские вотчины бе христианинъ Константинъ, у него дщерь Устиния девица. В пятокъ во время утренняго пения отяся у той девицы руце и пониче, не возмогоша ими осязати. И быша в той болезни, а къ чюдотворнымъ мощемъ не везоша болящую до двою недель и призываше врачевъ. Врачеве же не помогоша, посрамлени отхождаху. Отецъ же, и мати, и сродники возложиша облегчение болезни и на всещедраго Бога и Пречистую Богородицу. И везоша родителие къ чюдотворнымъ мощемъ и, отпевше молебная пения, и абие въ третий день от многоцелебныхъ мощей преподобномученика Андреана девица Устиния получи исцеление и бысть здрава. Родителие же и девица отидоша в домъ свой, славя Бога и Пречистую Богородицу, и великаго чюдотворца Андреана.

Чюдо 15.

Тоя обители Андреановы пустыни при боголюбивомъ игумене Илии в вотчине Пречистыя Богородицы Андреановы пустыни бе некий христианинъ Иоаннъ Евсегниевъ, у негоже бе сынъ Михаилъ младенецъ и затворися у него очи, и ослепоша, и гной текоша. Отецъ же, и мати, и сродичи быша в велии печали и в сетовании, и волхвовъ ко врачеванию много призваша. И ничтоже от нихъ помощи имея, и не виде отроча очима до трехъ недель, и мняше, что изгнили очесе. Отецъ же и мати, от волхвовъ вземъ чадо, и возложи на волю Всещедраго Бога и Пречистую Богородицу, и принесоша чадо свое въ домъ Пречистыя Богородицы. И у многоцелебныхъ мощей преподобномученика игумена Андреана отпевъ молебная пения, отроча же во время утренняго пения получи исцеление и прозре очима и бысть здравъ. Отецъ же и мати со отрочатемъ отиде в домъ свой, славя Бога, и Пречистую Его Богоматерь, и виликаго чюдотворца Андреана.