Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Чюдо 16 како образъ чюдотворной успения Пречистыя Богородицы сохраненъ отъ огня целъ бысть.



И о семъ паки хощю вашей любве отъ преславныхъ чюдесъ ото образа чюдотворнаго Владычицы Нашея Богородицы и Приснодевы Марии Честнаго и Славнаго Ея Успения поведати, яко с тою иконою началникъ обители сея преподобномученикъ игуменъ Андреанъ чюдотворецъ со ученикомъ своимъ и старцемъ Леонидомъ на сие место прииде лета 7151-го. Се бысть чюдо ото образа пречистыя Богородицы во храме Честнаго и Славнаго Ея Успения. Образъ же Пречистыя Богородиц наналой бысть покрытъ одеждею, и, егда после соборнаго пения изшедшимъ из церкви и от небрежения загорелся покровъ и древо налойное згорело, ко образу Пречистыя Богородицы и къ пелене не прикоснуся огнь. И обретоша на церковномъ помосте образъ Пречистыя Богородицы, въ песце сохраненъ бысть. Братиямъ же сшедшимся въ церковь, видя таковое преславное Божия Матери чюдо ото образа Честнаго и Славнаго Ея Успения и воздаша хвалу Богу и Пречистей Богородице.

Чюдо 17.

Тоя же обители сослужебникъ Никита по реклу Квасоваръ, у него же соткошажеся обе руце и персты рукъ его и в плоть унзоша, но от великия и зелныя болезни кричаше велиимъ гласомъ. Людие же приведоша его в соборную церковь и, у гроба многоцелебныхъ мощей преподобномученика игумена Андреана отпевъ молебная пения, и той человекъ у гроба многоцелебныхъ мощей преподобномученика игумена Андреана въ той часъ получи исцеление и здравъ бысть. И руце его распростреся, и отиде въ домъ свой, хваля Бога и Пречистую Богородицу, и чюдотворца Андреана.

Чюдо 18.

В лета 7048-го сентября въ 13 день прииде преподобный Андреанъ со ученикомъ своимъ старцемъ Леонидомъ на место се на дикий лесъ на речку Вотху, идеже ныне Божиимъ смотрениемъ обитель предстоитъ. И поставиша образъ Пречистыя Богородицы Честнаго и Славнаго ея Успения на дубе. Сами же преподобнии искаше по дубраве подобнаго места, где бы имъ обитель сотворити. В то же время устремишася белоселцы в рыбную ловитву, и, ловитву деюще противъ образа Пречистыя Богородицы, и изымаше великую рыбицу щуку. Подругъ же ихъ, рыбный ловецъ, дерзъ рукама и умомъ несовершенъ, увидевъ образъ Пречистыя Богородицы на дубе, ото образа же луча сияюще той же дерзый человекъ прииде ко образу и, хотя взяти и нести в домъ свой. Ото образа же Пречистыя Богородицы рину того человека невидимая сила на десять лактей. И едва той человекъ прииде въ разумъ, поведа дружине своей: «Яви ми ся старецъ в черныхъ сединахъ и рече ми: “Не дерзай, чадо, на образъ Пречистыя Богородицы, иди с миромъ на немъ же еси изшелъ”». И той человекъ со дружиною своею положили у чюдотворнаго образа хлебъ и рыбу велию и отиде въ своя си радуяся, славя и благодаря Бога и Пречистую Богородицу о такомъ великомъ чюдеси Божия Матере.