Ино чюдо преподобнаго Ферапонта, како прорече о болезни архимарита Пафнутия.

Времени же некоему мимошедшу, прииде преподобный ко старцу Андреяну и рече: «Отче, прости мя, да изъглаголю ти. Сие время да идешии въ царьствующий градъ Москву и обрящеши архимарита Пафнутия в болезни суща и не в Чюдове пребыва//ние имуща, понеже печется имъ Деонисий митрополитъ. И у него пребываетъ по повелению благочестиваго царя. Андреянъ же вопроси преподобнаго, «откуду убо бысть ведомость сия?» Преподобный же рече: «Иди въ царьствующий градъ, да тамо увеси вся подробну. Архимаритъ желаетъ видети тебе». Старецъ же веру емлетъ преподобному и иде въ царьствующий градъ. Шествие же пути его благополучно и въскоре// провожашеся молитвами преподобнаго достигоша царьствующаго града Мосъквы и обретоша яко же преподобный прорече о архимарите и идоша на Крутицы. Архимаритъ же вельми болезнуетъ и приятъ благословение от преосвященнаго Деонисия митрополита и от архимарита Пафнутия. Архимаритъ же вопроси старца о пребывании его и о строении манастырьскомъ. Старецъ же вся по ряду исповесть ему.// Повествуетъ же о пришествии преподобнаго Ферапонта и како познаша его и о чюдесехъ его, и вся, яже выше написахомъ о преподобнемъ. Архимаритъ же, слышавъ от старца, вельми дивися таковому чюдеси и житию преподобнаго. Поведано же бысть и митрополиту Деонисию вся чюдеса преподобнаго, иже вышенаписанная. Митрополитъ же прославиша Бога о всехъ бывшихъ чюдесехъ. И яко посети Богъ место// и посла Богъ такова !!! мужа в такую пустыню. Митрополитъ же и архимаритъ вдаша Андреяну велию казну на церковное строение, на колокола, и на книги, и на весь манастырьской стой. И вопроси архимаритъ Андреяна: «Прииде ли к тебе старецъ, иже бывый у мене в сие время съ твоимъ писаниемъ?» И вземъ епистолию, вдаде Андреяну. Андреянъ же видевъ своею ему рукою написано о нужди мана// !!!!!!!!!!!СТРАНИЦА ПРОПУЩЕНА// стырьской о колоколахъ, и о книгахъ, и о сосудахъ церковныхъ. И дивися вельми, яко николи же писахъ таковаго, ни старца посылахъ въ царьствующий градъ. И вопроси архимарита, каковъ бе старецъ иже бывый у тебе? И како нарицается имя его?» Архимаритъ же поведа имя его Ферапонтъ. «Обещание ми поведахъ и житие преже тебе живый на месте томъ. Азъ же мняхъ, яко не той, его же ты поведа свята мужа, но инъ,// пришедый къ вамъ, той поведа вся древле живый на месте вашемъ. Андреянъ же поведахъ: «Воистинну той есть преподобный Ферапонтъ. Никакоже из манастыря изхождахъ, ни азъ ему писания вдахъ, николи же его посылахъ. И вельми дивихся таковому чюдеси, и помянухъ преподобнаго, яко велиимъ запрещениемъ претяше, да не яве его творити, доньдеже въ житии семъ, точию поведахъ митрополиту. Митро//политъ же и вящее милостыню вдаде и отпусти старца с миромъ. По отшествии же Андреянове преставися архимаритъ Пафнутий на Крутицахъ.

Поиск по сайту: