Ино чюдо преподобнаго Ферапонта.

В первый месяцъ по прихождении ратныхъ явися преподобный Ферапонтъ некоему старцу тоя же обители имянемъ Ипатию, его же и в первых чюдесех именовахомъ. Идущу ему некогда от стадъ конъскихъ къ заутренему пению, еще тме сущи и приближившуся къ манастырю и кланяющеся у святыхъ вратъ святымъ иконамъ и слышавъ в манастыре говоръ// людей многихъ. Онъ же, послушавъ на долгъ часъ, и слышитъ гласы моляшихся: «Не мучи насъ, отойдемъ отсюду, ратники отойдоша, и мы идемъ, да не опали насъ симъ небеснымъ огнемъ». Старцу же коснящу у вратъ, и внезапу облиста светъ от высоты и видитъ огнь, аки гору преклоняшеся, и покры весь манастырь и окрестъ манастыря и промчеся огнь той, аки молнии скоростию. И абие тма бысть и не виде старецъ// ничтоже, ни гласа слыша и вниде в манастырь и прииде къ церкви чюдотворца Николы, идеже гробъ преподобнаго, и видитъ въ церкви светъ велий, и иде къ дверемъ, и видитъ преподобнаго седяща на пороге церковнемъ, кабы утруждьшеся от некоего дела и прохлаждашеся. Старецъ же ужасеся вельми и въскоре отойде страхъ от него, и рече ему преподобный: «Видиши ли, брате, како умножишася скверны от нахождения поганыхъ,// а ино от зде живущихъ сквернящихся в кале греховнемъ уже третие поновляшеся место сие силою Божиею и действиемъ Святаго и Животворящаго Духа. Рцы Андреяну, да не восходятъ человецы на гробъ мой». И абие невидимъ бысть старцу. Старецъ же ни света виде въ церкви и иде ко старцу Андреяну, и поведа ему вся по ряду яже выше писанная. Андреянъ же, поведавъ всей братии и прочимъ человекомъ, со сви//детельствомъ!!!!! ипатия. И порадовашася о посещении Святаго и Животворящаго Духа и о чюдесехъ преподобнаго чюдотворца Ферапонта. И въскоре сотвориша гробницы надъ гробомъ преподобнаго Ферапонта, и устроиша паволоками, и написаша образъ подобия его, и возложиша на гробницу, и певше панахиды. В то же время привезоша отрока больна имянемъ Игнатия глуха и нема. Отецъ же его вельми плакася// о немъ, что ему тако сотворилося, внезапу нападе на него глухота. И отяся молва его, не могий глаголати, и молиша Андреяна, дабы пети молебная пения преподобному Ферапонту. Андреянъ же отрицашеся молебны пети преподобному, мы поемъ надгробнымъ панахиды. Глухий же, и больный, и немый отрокъ помаавъ руками и главу преклоняше ко гробу преподобнаго. Отецъ же его Фаддей по реклу Дружина, его же и въ// явлении преподобнаго не единою именовахомъ прежепомянутыя деревни Григорьева, поведая Андреяну видение: «Азъ, отче, видех во сне некто юноша прииде ко мне светлообразенъ и рече ми вести сына моего семо и пети молебенъ на гробе преподобнаго Ферапонта и молитися собору архистратигу Божию Михаилу архангелу и преподобному Ферапонту. Андреян же уразуме, яко годе бысть пети молебны преподобному. И певше// молебенъ архангелу Божию Михаилу и преподобному чюдотворцу Ферапонту. И вземше земли из гробницы зъ гроба преподобнаго чюдотворца Ферапонта и вложиша во святую воду и умывше больному лице и главу. И в той часъ проглагола больный и рече: «Слышу изъ главы моея ушима моима, аки буря ветреняя и глас громный исходящь, васъ же не слышахъ глаголющихъ». Отецъ же его со слезами молящеся у гроба преподобнаго Ферапонта// и обнощевавше ту. Утру же бывшу, и паки певше молебная, и умывшу его от тоя же святыя воды с перстию з гроба преподобнаго и в той часъ прослыша больный и совершено исцеление получи и отойде въ домъ свой радуяся.

Поиск по сайту: