Мои Конспекты
Главная | Обратная связь


Автомобили
Астрономия
Биология
География
Дом и сад
Другие языки
Другое
Информатика
История
Культура
Литература
Логика
Математика
Медицина
Металлургия
Механика
Образование
Охрана труда
Педагогика
Политика
Право
Психология
Религия
Риторика
Социология
Спорт
Строительство
Технология
Туризм
Физика
Философия
Финансы
Химия
Черчение
Экология
Экономика
Электроника

Ино чюдо преподобнаго Ферапонта.



Мужъ некий имянемъ Марко и в некое время нападе на очи его болезнь люто зело и не видехъ света годъ и два месяца и прииде ему во умъ ити въ Благовещенъской манастырь на устье Монзы реки и помолитися преподобному чюдотворцу Ферапонту, слышах от многихъ, яко исцеления приемлютъ молитвами его многи недужныя, ведоша же сродницы его в манастырь на устье Монзы реки и помоливъся у гроба преподобнаго// чюдотворца Ферапонта и, певше молебная пения и вземъше персти изъ гробницы, и вложивше во святую воду, и умывше очи слепаго, и въ томъ часе прозре, и виде соверашено, и уразуме, яко истинно исцеление получи и отойде въ домъ свой радуяся и потомъ изучися художьству ковати железо.

Ино чюдо преподобнаго Ферапонта.

Некий юноша имянемъ Василий издетска страдаше очною болезнию, уже и света не видехъ с полъ года и больши. Отецъ же его священный игуменъ Антоний, велию веру имея ко преподобному чюдотворцу Ферапонту, понеже первый бысть игуменъ въ Благовещенскомъ манастыре на устье Монъзы реки, при нем же и обретены бысть мощи преподобнаго чюдотворца Ферапонта, последи же бысть игуменомъ Воскресенскаго манастыря Соли Галическия на посаде и обеща сына своего Василия преподобному чюдотворцу// Ферапонту, да бы ему помогъ въ скорби той, и даде за него вкладъ немалъ во обитель сию. И по обещании бысть облегчение очесемъ сына его Василия, разумевъ же отецъ его священный игуменъ Антоний, яко молитвами преподобнаго чюдотворца Ферапонта бысть ему облегчение. И отпусти сына своего Василия в манастырь на устье Монъзы реки ко преподобному чюдотворцу Ферапонту молитися, дабы совершенно и//сцеление получити и заповеда ему некое время и жити во обители сей. Прииде же Василий во обитель и помоливъся у гроба преподобнаго и живе немало время во обители, и поведа игумену и братии тоя обители, яко «истинно исцеление ми бысть молитвами преподобнаго чюдотворца Ферапонта». И по некоемъ времени отиде в домъ свой. Отецъ же его священный игуменъ Антоний сочета его закономъ браку. Василий же// восприемлетъ чинъ священничества и почтенъ бысть презвитерьскимъ саномъ и потомъ велию веру имея ко преподобному. Игуменъ же Антоний велия вклады за всехъ сыновъ своихъ подая въ Благовещенъской манастырь и за сыны сыновъ своихъ и весь родъ ихъ, велию веру имея ко преподобному чюдотворцу Ферапонту и доныне. И украшаху церковь Божию святыми иконами и книгами, всякою церковною утварию// въ славу Божию и в похвалу преподобнаго чюдотворца Ферапонта.




Поиск по сайту:







©2015-2020 mykonspekts.ru Все права принадлежат авторам размещенных материалов.